Úkimet 2014 jylǵa áleýmettik mańyzy bar azyq-túlik taýarlaryna bólshek baǵanyń shekti mánin bekitedi
ASTANA. QazAqparat - Janar-jaǵarmaı materıaldaryna qatań monıtorıng pen baǵany retteý bekitiledi. Bul týraly búgin Aqordada Úkimettiń keńeıtilgen otyrysynda Premer-Mınıstr Serik Ahmetov málim etti.
Ulttyq valıýta baǵamynyń ózgerýi jaǵdaıynda Úkimet oblys ákimderimen birlese halyqtyń áleýmettik ahýalyna teńge baǵamyn ózgerýiniń yqpalyn tómendetý men otandyq taýarlardyń básekege qabilettiligin arttyrý boıynsha sharalardy qabyldap jatqandyǵyna toqtalǵan S. Ahmetov: «Azyq-túlik taýarlaryna baǵanyń ósýine jol bermeý maqsatynda Úkimet tarapynan 2014 jylǵa áleýmettik mańyzy bar azyq-túlik taýarlaryna bólshek baǵanyń shekti máni bekitiledi», - dedi.
Osy oraıda Premer-Mınıstr ákimderge óńirlik turaqtandyrý qorlarynyń múmkindigin barynsha paıdalaný tapsyrylǵanyn atap ótti.
