Úkimet 2013-2020 jyldarǵa arnalǵan AÓK-ny damytý salalyq baǵdarlamasynyń jobasyn maquldady

ASTANA. 12 aqpan. QazAqparat - Búgin Úkimet otyrysynda Mınıstrler kabıneti 2013-2020 jyldarǵa arnalǵan Agroónerkásip keshenin (AÓK) damytý salalyq baǵdarlamasynyń jobasyn maquldady.

QR Aýyl sharýashylyǵy mınıstri Asyljan Mamytbekovtyń sózine qaraǵanda, baǵdarlama maqsattaryna qol jetkizý úshin jumystar negizgi 4 baǵyt boıynsha atqarylady. Birinshi baǵyt qarjylyq saýyqtyrýǵa negizdelip otyr. Ekinshisine - agroónerkásip sýbektileri úshin taýarlar men qyzmetke qoljetimdilikti arttyrý jatady. Úshinshi baǵytta AÓK sýbektilerin qamtamasyz etýdiń memlekettik júıelerin damytý qamtylǵan. Baǵdarlamanyń sońǵy baǵytynda AÓK-ny memlekettik retteý júıesin arttyrý josparlanǵan.

Aıta keteıik, atalǵan baǵdarlamany júzege asyrýǵa 8 jyldyń ishinde 3122,2 mlrd. teńge qajettilik etedi.