Úkimet 2010 jylǵa arnalǵan naqtylanǵan respýblıkalyq bıýdjettiń jobasyn bekitti
STANA. Naýryzdyń 1-i. QazAqparat /Ernur Aqanbaı/ - Búgin Premer-Mınıstr Kárim Másimovtiń tóraǵalyǵymen ótken otyrysynda Úkimet 2010 jylǵa arnalǵan respýblıkalyq bıýdjetke ózgerister men tolyqtyrýlar engizý taýraly zań jobasyn maquldady,
dep habarlaıdy QazAqparat.
Premer-Mınıstr atalmysh zań jobasyn «Nur Otan» partııasynyń qaraýyna shyǵaryp, sodan keıin Parlamentke engizýdi tapsyrdy. Zań jobasyn tanystyrǵan Ekonomıka jáne bıýdjettik josparlaý mınıstri Baqyt Sultanovtyń aıtýynsha, naqtylanǵan bıýdjet boıynsha jalpy somasy 295,5 mlrd. teńge bolatyn qosymsha túsimder men bosaıtyn qarajatty Memleket basshysynyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Qazaqstan halqyna arnaǵan bıylǵy Joldaýynyń qaǵıdattaryn iske asyrý sharalaryna baǵyttaý kózdelip otyrǵanyn aıtty. Onyń aıtýynsha, atalmysh qarjy mynadaı jeti basym baǵyttardy qarjylandyrýǵa bólinedi.
Atap aıtqanda, birinshi basym baǵyt - bıýdjet salasy qyzmetkerleriniń jalaqysyn jáne stýdentterdiń stıpendııalaryn 25 paıyzǵa arttyrý merzimi aǵymdaǵy jylǵy shildeniń 1-inen sáýirdiń 1-ine aýystyrýǵa baılanysty 53,8 mlrd. teńge bólý kózdelgen.
Onyń ishinde 24,8 mlrd. teńge jergilikti bıýdjetterge beriledi. B. Sultanovtyń aıtýynsha, ekinshi basym baǵyt - jedeldete ındýstrııalyq-ınnovatsııalyq damý memlekettik baǵdarlamasy aıasyndaǵy sharalardy qarjylandyrýǵa 143,8 mlrd. teńge kózdelgen. Onyń ishinde «Bıznestiń jol kartasy - 2020» baǵdarlamasyn iske asyrýǵa 30 mlrd. teńge, Indýstrııa jáne saýda mınıstrliginiń ınvestıtsııany, eksportty jáne ónimdilikti arttyrý baǵdarlamasyn iske asyrý arqyly shıkizattyq emes sektordy damytý is-sharalaryna 5 mlrd. teńge, «Samuryq Qazyna» qorynyń jarǵylyq kapıtalyn ulǵaıtý jáne nesıe berý arqyly serpindi ınfraqurylymdy jobalardy iske asyrýǵa 62,8 mlrd. teńge, agroónerkásip keshenin damytý is-sharalaryna 28 mlrd. teńge, ǵarysh salasynyń jobalaryna 7 mlrd. teńge, «Qorǵas» halyqaralyq yntymaqtastyq ortalyǵynyń ınfraqurylymyn damytýǵa 6 mlrd. teńge, sondaı-aq Astana qalasyndaǵy jańa ýnıversıtettiń ekinshi kezegin salýǵa 5 mlrd. teńge bólinetin bolady.
B. Sultanovtyń aıtýynsha, úshinshi basym baǵyt - ishki saıası turaqtylyqty qoldaýǵa jáne halyqaralyq qatynastardy damytýǵa baǵyttalǵan is-sharalarǵa 16 mlrd. teńge, tórtinshi basym baǵyt - 2011 jylǵy qysqy Azııa oıyndaryn ótkizýdi daıyndaýǵa jáne Astana men Almaty qalalarynyń nysandaryn damytýǵa 44,4 mlrd. teńge, besinshi basym baǵyt - Keden odaǵyna kirýge baılanysty is-sharalardy iske asyrýǵa qosymsha 11,4 mlrd. teńge, altynshy basym baǵyt -halyqaralyq donorlarmen júrgizilgen kelissózderdi eskerip, syrttan zaem tartý arqyly sýmen jabdyqtaý júıelerin jáne avtomobıl joldaryn damytý jobalaryn iske asyrýǵa 13,2 mlrd. teńge, jetinshi basym baǵyt - birqatar kezek kúttirmeıtin mindetterdi sheshýge 12,9 mlrd. teńge qosymsha qarajat bólý kózdelgen.
«Jalpy alǵanda respýblıkalyq bıýdjettiń naqtylanǵan kósetkishteri mynadaı: túsimder - 3 trln. 374,4 mlrd. teńgeni quraıdy, ol qoldanystaǵy bıýdjetke qaraǵanda 189,4 mlrd. teńgege ósken. Shyǵystar - 4 trln. 182,0 mlrd. teńgeni quraıdy, bul túzetilgen bıýdjetke qaraǵanda 140,1 mlrd. teńgege ulǵaıǵan. Tapshylyǵy - 803,6 mlrd. teńgeni quraıdy, bul túzetilgen kórsetkishten 50,7 myń teńgege ulǵaıǵan», dedi B. Sultanov.
