Úkimet 2009 jylǵy «Jumyspen qamtý» baǵdarlamasyn jańǵyrtýdy qolǵa almaq - Premer-Mınıstr
Búgin bıylǵy jyldyń birinshi toqsanyndaǵy áleýmettik-ekonomıkalyq damýdyń qorytyndylaryna arnalǵan Úkimet otyrysynda Premer-Mınıstr Serik Ahmetov osylaı aıtty.
Onyń sózine qaraǵanda, mamyrda ótetin Úkimet otyrysynda jumyspen qamtýdyń daǵdarysqa qarsy baǵdarlamasyn qabyldaý boıynsha másele qaralady. Onyń aıasynda qosymsha 30 mlrd. teńge bólinbek.
«Biz 2009 jyldyń «Jumyspen qamtý» baǵdarlamasyn jańǵyrtýǵa nıettimiz. Tolyq qurylystarǵa negizdelgen qarjynyń deni bilim, densaýlyq saqtaý, mádenıet sekildi áleýmettik jobalardy jóndeýge aýdarylady», -dedi S. Ahmetov.
Premer-Mınıstrdiń aıtýynsha, oblystyq jáne Astana men Almaty qalalarynyń bıýdjetteri aıasynda ońtaılandyrý júrgizý qajet. «Qazirgi kezde biz osymen Úkimette aınalysýdamyz. Budan keıin, mamyrda bıýdjet naqtylanady»,-dep túıdi ol.