Úkimet 2007-2009 jyldary úlestik qurylysty qoldaý úshin respýblıkalyq bıýdjetten 205,9 mlrd. teńge bóldi - S. Nokın
ASTANA. Qańtardyń 25-i. QazAqparat /Qanat Mámetqazyuly/ -Úkimet úlestik qurylysty qoldaý úshin 2007 jylǵy qyrkúıekten bastap 2009 jylǵy jeltoqsanǵa deıin respýblıkalyq bıýdjetten 205,8 mlrd. teńge bóldi.
Búgin QR Parlamenti Májilisinde ótken Úkimet saǵatynda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın osylaı málim etti, dep habarlaıdy QazAqparat.
Agenttik tóraǵasynyń aıtýynsha, memleket tarapynan bólingen osy qarajat elimizdegi 36 myńǵa tarta úleskerdiń quqyǵyn qorǵaýǵa septigin tıgizgen. Al aldaǵy 2010-2011 jyldarǵa arnalǵan jospar boıynsha úlestik turǵyn úı qurylysynyń qalǵan 132 nysanynyń jumysy tolyq aıaqtalyp, paıdalanýǵa beriledi dep josparlanǵan.
«Agenttiktiń aldynda turǵan qurylys salasyn odan ári damytý jónindegi mindetterdi júzege asyra maqsatynda qurylystaǵy tehnıkalyq retteýdi odan ári reformalaýǵa daıyndyq jumystary qolǵa alynyp otyr. Óıtkeni, qazirgi tańda sáýlet, qala qurylysy jáne qurylys salasynda qoldanylyp júrgen normatıvtik-tehnıkalyq baza Qazaqstandy dúnıejúzilik saýda-ekonomıkalyq qoǵamdastyqqa biriktirýine aıtarlyqtaı kedergi bolyp keledi», dedi S. Nokın.
