Úkimet 2 aptalyq karantınge qosymsha sharalar engizýi múmkin - Eraly Toǵjanov
NUR-SULTAN. QazAqparat – QR Premer-Mınıstriniń orynbasary Eraly Toǵjanov 5 shildeden bastap engiziletin shekteý sharalaryna qosymsha sheshimder qabyldanýy múmkin ekenin aıtty, dep habarlaıdy QazAqparat.
«Belgilengen 14 kún aralyǵynda atalǵan sharalardyń tıimdiligine monıtorıng júrgizilip, naqty qorytyndylar shyǵarylyp otyrady. Nátıje bermegen jaǵdaıda shekteý sharalary boıynsha qosymsha sheshimder qabyldanýy múmkin. Sonymen qatar, búgin kún tártibinde turǵan negizgi másele – medıtsınalyq mekemelerde koronavırýspen aýyrǵandardy emdeýge arnalǵan jatyn oryn sanyn arttyrý. Memleket basshysynyń tapsyrmasyna oraı, shilde aıynyń sońyna deıin ınfektsııalyq jáne provızorlyq oryn sany 50 paıyzǵa arttyrylyp, 28 myńnan 42 myńǵa deıin jetkiziletin bolady», - dedi E. Toǵjanov búgin Ortalyq kommýnıkatsııalar qyzmetinde ótken baspasóz máslıhatynda.
Onyń sózine qaraǵanda, tamyz aıyna deıin PTR-testilermen qamtylý táýligine 30 myńnan 39 myńǵa deıin jetkiziledi.
