Úkili úmitimiz Golovkındi asyra maqtap bolashaǵyna balta shappaı, saqtaı bileıik
ASTANA. QazAqparat - Qazirgi tańda Golovkın dese eńkeıgen qarttan es jıǵan balaǵa deıin eleń ete qalary shyndyq. Onyń kezekti oıynyn kórmeı, bilmeı qalǵan jannyń aldymen jekpe-jek qalaı boldy deýdiń ornyna, qaı myqtyny utty, qalaı utty deýi de zańdylyqqa aınalyp barady. Al eger bógde bireý tosynnan suraı qalsa, jankúıerlerdiń kóbisi Gennadııdiń jeńisterin tizbelep sanap beretindigi de ras. Biz de aıta ketsek artyqtyq etpes.
Kásipqoı rıngte Golovkın orta salmaq sanatynda (72 kelige deıin) alǵash ret 2006 jyly synǵa tústi. Birinshi 8 jekpe-jekti ýaqytynan buryn jeńdi.
2007 jyldyń qyrkúıeginde ol frantsýzdyq Mehdı Boýdlamen(11-1) kezdesip, 8 raýndta upaı sanymen basym tústi.
2008 jyly sáýirde Ian Gardnerdi (20-3) upaı sanymen utty.
2008 jyldyń qarashasynda - kezekti jeńis: 2-raýndta belarýs Malık Dzıarr (29-3) kezdesýdi jalǵastyrýdan bas tartty.
2009 jyldyń 11 shildesinde birinshi ret sharshy alańǵa 12 raýndtyq jekpe-jekke shyqty. WBO-nyń ınterkontınentaldyq chempıon ataǵy úshin ótken kezdesýdiń ekinshi raýndynda brazılııalyq Djon Anderson Karvalony nokaýtpen jeńdi.
Odan soń buǵan deıin birde bir ret jeńilip kórmegen Mıhaıl Makarovty (10-0) sulatyp saldy.
2010 jyldyń tamyzynda WBA nusqasy boıynsha 72 keli salmaq dárejesinde ýaqytsha álem chempıony ataǵy úshin kolýmbııalyq Mılton Nýnespen (21-1-1) judyryqtasty. Golovkın qarsylasyn birinshi raýndta-aq nokaýtqa jiberdi.
Kelesi kezdesýin Golovkın WBA nusqasy boıynsha álemniń turaqty chempıony ataný úshin panamalyq Nelson Hýlıo Tapıamen sharshy alańda kezdesti. Qarsylasyn ol úshinshi raýndta utty.
2011 jyly Golovkın óz tıtýlyn eki ret qorǵap, Kassım Oým men Lahýan Saımondy aıqyn basymdyqpen utty. Saımonmen ótken kezdesýde Golovkın IBO nusqasy boıynsha álem chempıony ataǵyn jeńip aldy.
2012 jyly tıtýldy úshinshi ret qorǵaýda Golovkın japondyq Makotto Fýchıgamıdi esinen tandyrdy.
2012 jyldyń 1 qyrkúıeginde HBO amerıkalyq telearnasynda Gennadııdiń debıýti ótti. Golovkın rıngke jas polıak Gjegoj Proksamen shyqty. Birinshi raýndta-aq ol polıakty sulatty.
2013 jyldyń 19 qańtarynda Madison Square Garden arenasynda Golovkın erikti túrde tıtýldy qorǵaýǵa shyqqan tegi pýertorıkandyq AQSh boksshysy Gabrıel Rosadomen judyryqtasty. Gennadıı ony tehnıkalyq nokaýtpen utty.
2013 jyldyń 30 naýryzynda Monakoda Gennadıı Golovkın japon boksshysy Nobýhıro Isıdomen kezdesti. Golovkın Isıdony nokaýtqa túsirip, ony kásipqoı bokstaǵy alǵashqy jeńilisine ushyratty.
2013 jyldyń 29 maýsymynda AQSh-ta G.Golovkın belgili brıtanııalyq boksshy Mettıý Makklınmen rıngte kezdesti. Bul jekpe-jek te qazaqstandyqtyń aıqyn basymdyǵymen aıaqtaldy.
2013 jyldyń 2 qarashasynda Gennadıı AQSh-ta jergilikti boksshy Kertıs Stıvenspen judyryqtasty. Shıeleniske toly jekpe-jektiń 8-shi raýndynda Kertıs Golovkınniń birneshe soqqylarynan keıin eseńgirep qaldy, jattyqtyrýshysy onyń 9-raýndqa shyǵýyna jol bermedi.
2013 jyldyń qorytyndysy boıynsha Golovkın salmaq sanatyna qaramastan jyldyń úzdik boksshysy dep tanyldy.
2014 jyldyń 1 aqpanynda Golovkın Monte-Karloda ganalyq Osýman Adamamen kezdesti. 31 jastaǵy Golovkın óziniń 33 jastaǵy qarsylasyn rıngtiń birinshi, altynshy jáne jetinshi raýndtarynda eseńgiretti. Sońǵysynda tóreshi kezdesýdi toqtatý týraly sheshim qabyldady.
2014 jyldyń maýsymynda Golovkın WBA sýper chempıony bolyp tanyldy.
2014 jyly 26 shildede Golovkın Avstralııanyń tanymal boksshysy, burynǵy álem chempıony Denıel Gılmen jekpe-jekke shyqty. Bul kezdesý Nıý-Iorktegi Madison Square Garden arenasynda ótti. Úshinshi raýndta Golovkın kezekti jeńisine jetti.
2014 jyldyń 19 qazanynda Gennadıı Golovkın tanymal meksıkalyq boksshy, WBC nusqasy boıynsha ýaqytsha álem chempıony Marko Antonıo Rýbıomen judyryqtasty. Golovkın ony ekinshi raýndta sulatyp saldy.
2015 jyly da jeńisti joldar jalǵasty.
Atap aıtqanda, Gennadıı Golovkınniń brıtandyq qarsylasy 23 aqpanda Martın Mıýrreımen Monakodaǵy kezdesýi jeńispen aıaqtaldy.
17 mamyrda amerıkalyq kishi Vıllı Monrony VI altynshy raýndta nokaýtqa jiberip, orta salmaqta sýperchempıondyq ataǵyn qorǵap qaldy. Osy jeńisimen qazaqstandyq boksshy nokaýttar sany boıynsha Maık Taısonnyń rekordyn jańartty. Barsha halyq qazaqtyń saıypqyran boksshysy dep maqtan tutatyn Genanyń jeńisteri mine, osyndaı. Árıne, bas aınalarlyqtaı kórsetkishter. Qalaı aıtsańyz da, qandaı teńeý qossańyz da jarasar. Al teńeý jaǵynan kelgende, maqtaý jaǵynan kelgende bizge jeter kim bar. Aıdy aspanǵa bir-aq shyǵaramyz jáne toqtaýymyz da qıyn. Munyń kóleńkeli jaǵynan da biz eshkimge des bermeımiz. ıAǵnı, bir ret súrinse, jerden alyp jerge salamyz. Qoldaýdyń, demep jiberýdiń ornyna jan-jaqtan bórideı talap, kiná artamyz. Toqeteri, sóndiremiz.
Osy arada Golovkın eriksiz oıǵa oralady. Kóńilge qazirgi ýaqytta biz artyqtaý ketip jatqan joqpyz ba, asyra siltep jatqan joqpyz da degendeı azdap alańdaýshylyqtyń kiretini bar. Óıtkeni, áriptesterimniń álemniń túkpir-túkpirindegi kásibı bokstyń shyrqaý shyńyna shyqqan saıypqyrandarmen suhbattary tym jıilep ketti. Bári de Golovkındi maqtaıdy, maqtaǵanda qandaı. Basqasyn bylaı qoıǵanda Taısonnan asyryp jiberdi. Qazirgi qarqynǵa qaraǵanda búgin ne erteń Muhammed Álımen de ıyq teńestirgendigi jaıly estip qalýymyz ǵajap emes. Óıtkeni, biz osyndaımyz. Tipti, Golovkınniń de et pen teriden jaralǵan pende ekendigin umytyp ketkendeımiz. Onyń sansyz jattyǵýlardyń, qanshama tókken terdiń arqasynda asa bıik belesterdi baǵyndyrǵanyn esten shyǵarǵan syńaılymyz. Endeshe, oǵan jan-jaqta onyń súrinýin tilep otyrǵan teris pıǵyldylardyń az emestigin, tulpardyń baǵy baby keliskende ǵana janatyndyǵyn nege biraýyq eskertpeske.
Ótken kezeńderde qaı ǵasyrda bolmasyn ónerde de, sportta da álem jurtshylyǵyn tańdaı qaqtyrǵan talaı daryndy ul-qyzdarymyzdyń elimizdiń abyroıyn asyrǵanyna tarıh kýá. Sondaı jarqyrap shyqqan juldyzdarymyzdyń mezgilinen erte sóngendigi, ózekti órter ókinishke uryndyrǵany da aşy shyndyq. Osyny nege qaperge almaımyz? Mundaı jaǵdaıǵa ushyraýǵa qoshemetshildigimiz, qattyraq aıtsaq dańǵoılyǵymyz ben toıshyldyǵymyzdyń da kesiri tıip jatqan joq pa eken? Óıtkeni, birtýar dara tulǵalarymyzdy kezdesýden kezdesýge, odan qala berdi bedel salyp qonaqqa shaqyramyz. Bile tura kúndiz-túni tynymsyz jattyǵýyna bóget jasaımyz. Ókinishtisi, bul qazir de jalǵasyp jatyr.
Demek, jasyndaı jarqyldaǵan, barsha halyqtyń arasynda qazaqtyń súıikti uly atanyp ketken Genanyń alar asýlarynyń áli alda ekendigin, onyń tek, aşy terdi aıamaı tókkende ǵana, qajyr-qaıratty biliktilikpen ushtastyrǵanda ǵana baǵynatyndyǵyn janashyrlyqpen únemi eskertip otyrsaq deımin.
ıAǵnı, úkili úmitimiz ári maqtanyshymyzǵa syrttaı tileýles qana emes, ishteı qamqorshy bolalyq. Qazaqstandy álemge tanytqan Golovkındi tym asyra maqtap, bolashaǵyna balta shappaı, saqtaı bileıik, aǵaıyn.
Erlan Qojakeldıev
