UQA qyzmetkerleri qyzmet babyn áıelderin ańdýǵa paıdalandy
ASTANA. QazAqparat - AQSh Ulttyq qaýipsizdik agenttigi arnaıy qyzmetterdiń qylmyskerlerdi ańdý jónindegi júrgizgen keıbir qujattaryn jarııa etti, onda vedomstvo qyzmetkerleriniń qyzmet babyn jeke maqsatqa paıdalanǵany anyqtaldy.
Qaýipsizdik maqsatynda qujattar túzetilgen: adamdardyń aty-jónderi, kúnder jáne kóptegen ataýlar qupııa ustalǵan. Degenmen esepten mysalǵa UQA qyzmetkerleriniń biri qylmyskerlerdi ańdýǵa tıisti baǵdarlamalarmen jubaıynyń telefondaryna shalynǵan qońyraýlardy anyqtaýǵa tyrysqanyn anyqtaýǵa bolady. Al taǵy bir ofıtser shetelde jumys jasaıtyn áıeline ańdý uıymdastyrǵan. Tekserý qorytyndysymen onyń sheni tómendetildi jáne ýaqytsha jalaqysy azaıtyldy, dep habarlady Ýtro.rý .
Taǵy bir UQA qyzmetshisi bir aı boıy sheteldik kóńildes áıeliniń telefonyn tyńdaǵan. Al taǵy bir jaǵdaıda UQA qyzmetkeri qatelesip, sheteldik agenttiń ornyna ózine ańdý ornatýdy talap etken.
