Ýıtnı Hıýstonnyń qyzy komaǵa túser aldynda kólik apatyna ushyraǵan bolyp shyqty
ASTANA. QazAqparat - Ánshi Ýıtnı Hıýstonnyń qyzy aýrýhanaǵa túser aldynda tórt kún buryn jol kólik apatyna ushyraǵan. Bul týraly US Magazine basylymy Rozýella qalasynyń (Djordjııa shtaty) polıtsııasyna silteme jasap habarlady.
Belgili bolǵandaı, 27 qańtarda Bobbı Krıstına Braýn basqarǵan Jeep Liberty kóligi ózge avtomobılmen soqtyǵysqan. Saldarynan ekinshi kólik júrgizýshisi men Braýn kóliginiń jolaýshysy japa shekken.
Tórt kúnnen keıin ánshiniń jalǵyz qyzy esinen tanǵan kúıde sý tolǵan vannadan tabyldy. Ol 13-kún qatarynan komada jatyr.
Jýyrda BAQ Braýn esinjıdy dep habarlaǵan. Sondaı-aq polıtsııa 21 jastaǵy qyzdyń betinen isikter tapqan. Alaıda onyń dosy Nık Gordon bul isikter onyń esin jıǵyzý úshin jasalǵan áreketter saldary dep otyr.
