Ýıtkoff Rýbıomen birge juma kúni Stambýlǵa baratynyn rastady
ASTANA. KAZINFORM – AQSh prezıdentiniń arnaıy ókili Stıv Ýıtkofftyń aıtýynsha, juma kúni ótetin kelissózderge AQSh memlekettik hatshysy Marko Rýbıo da keledi. Bul týraly buǵan deıin Donald Tramptyń ózi de málimdegen bolatyn, dep habarlaıdy BBC agenttigi.
Qazirgi ýaqytta Stıv Ýıtkoff Katar astanasy Dohada júr.
Ýıtkofftyń sózinshe, Ýkraına men Reseı máselesine qatysty arnaıy ókil Kıt Kellogtyń Túrkııaǵa baratyn-barmaıtyny belgisiz. Kellog osy ýaqytqa deıin reseılik ókildermen eshbir ret resmı túrde kezdesken emes. Alaıda sońǵy ýaqytta kóptegen buqaralyq aqparat quraldary onyń Ýıtkoffpen birge Stambýlǵa keletinin jazǵan edi.
Sársenbi kúni túste Kremldiń baspasóz hatshysy Dmıtrıı Peskov «Interfaks» agenttigine Ýıtkoff jáne Kellogpen qandaı da bir baılanys «ázirge josparlanbaǵanyn» aıtty.
Buǵan deıin Dmıtrıı Peskov Reseı delegatsııasy ýkraınalyq ókilderdi 15 mamyrda Stambýlda kútetinin málimdegen bolatyn.
Eske sala keteıik, Stambýl Reseı men Ýkraına arasyndaǵy sheshýshi kelissózderge AQSh-tyń qatysýymen daıyndalyp jatyr.