Ýıtkoff pen Kýshner 5-6 qyrkúıekte Máskeý men Kıevke barýdy josparlap otyr
ASTANA. KAZINFORM – AQSh Prezıdenti Donald Tramp arnaıy ókili Stıv Ýıtkoff pen kúıeý balasy Djared Kýshnerdiń Ýkraınadaǵy jaǵdaıdy retteý jónindegi jańa mıssııamen Reseıge baratynyn rastady, dep habarlaıdy TASS.
Tramp bul týraly Aq úıde jýrnalısterdiń suraqtaryna jaýap berý kezinde málimdedi. Ol Ýıtkoff pen Kýshnerdi «eki tamasha kelissóz júrgizýshi» dep atady.
– Olar keremet jumys istep jatyr. Biz olardy qandaı da bir nátıjege qol jetkize alamyz ba, sony anyqtaý úshin jiberdik. Buǵan qol jetkizýge jaqsy múmkindik bar dep oılaımyn, – dedi Donald Tramp Ýkraınadaǵy jaǵdaıdy retteý jónindegi kúsh-jigerge qatysty pikir bildirip.
Buǵan deıin TASS derekkózi Stıv Ýıtkoff pen Djared Kýshnerdiń 5-6 qyrkúıekte Máskeý men Kıevke barýdy josparlap otyrǵanyn habarlaǵan.
Reseı Prezıdentiniń baspasóz hatshysy Dmıtrıı Peskov Kreml amerıkalyq kelissóz júrgizýshilermen Reseı tarapynyń baılanystary bolǵan jaǵdaıda bul týraly aqparat beretinin málimdedi.
