Ýıtkoff Dohada ızraıldik tutqyndardyń otbasymen kezdecti

ASTANA. KAZINFORM – AQSh prezıdentiniń arnaıy ókili Stıven Ýıtkoff radıkaldy palestınalyq HAMAS qozǵalysy Gaza sektorynda ustap otyrǵan ızraıldik tutqyndardyń otbasylarymen Dohada kezdesti, dep habarlaıdy TASS agenttigi.

Eske sala keteıik, Stıv Ýıtkoff Dohaǵa Donald Tramp delegatsııasynyń quramynda barǵan bolatyn.

— Donald Tramptyń arnaıy ókili Stıven Ýıtkoff, Katardyń resmı tulǵalary sondaı-aq tutqyndardyń otbasy múshelerimen kezdesý ótkizdi, — dedi Al Jazeera arnasyna suhbat berýshi.

Telearna dereginshe, kezdesý 2,5 saǵatqa sozylǵan.

— Onyń aıtýynsha, jýyrda Gaza sektorynan bosatylǵan, AQSh azamattyǵy da bar ızraıldik tutqyn Idan Aleksandr densaýlyǵyna baılanysty Dohaǵa kele almaǵan, — dep habarlady arna derekkózge silteme jasap.

Buǵan deıin AQSh prezıdentiniń arnaıy ókili Ýıtkoff juma kúni Rýbıomen birge Stambýlǵa baratynyn rastaǵan edi.