Ýıstlerdegi olımpıadalyq derevnıada Qazaqstannyń jalaýy kóterildi
STANA. Aqpannyń 10-y. QazAqparat - Ýıstler qalasyndaǵy olımpıadalyq derevnıada Qazaqstan jalaýy kóterildi.
Halyqaralyq sarapshylardyń baǵalaýynsha, jalaý kóterý rásimi óte joǵary deńgeıde ótti, dep habarlaıdy QR Týrızm jáne sport mınıstrliginen.
Saltanatty sharaǵa Sport komıtetiniń tóraǵasy Anatóli Qulnazarov bastaǵan barlyq sporttyq delegatsııa qatysty. Kanada-2010 Olımpıadasynyń uıymdastyrý komıtetiniń basshysy Natalııa Lambert hanym, Ýıstlerde «qazaqstandyq delegatsııanyń formasy dızaın jaǵynan Olımpıadalyq derevnıadaǵy úzdik» ekenin atap kórsetti.
A.Qulnazarov óz kezeginde, N.Lambert hanymǵa qonaqjaılyq iltıpatyna alǵys retinde «Altyn adam» músinin tabys etti.
Sport komıtetiniń tóraǵasy telefonmen habarlaǵandaı, Ýıstlerde aýa raıy - nólden joǵary. Biraq, bıatlon, shańǵy jáne tramplınnen sekirý jarystary ótetin taýda qar jetkilikti jáne mınýstyq temperatýra saqtalýda. Ol sondaı-aq, qazaqstandyq sportshylardyń dopıng-tekserýden sátti ótkenderin jáne aýa raıyna úırenip bolǵanyn habarlady.
Esterińizge sala keteıik, Olımpıada oıyndarynyń resmı ashylý rásimi aqpannyń 12-sinde Bı-Sı-Pleıs stadıonynda ótedi. Saltanatty sharaǵa qatysatyn Qazaqstannyń sporttyq delegatsııasy 40 adamnan turady.
