UIPM Qazaqstannyń bessaıys federatsııasyn marapattady
ASTANA. QazAqparat - Halyqaralyq zamanaýı bessaıys odaǵy 2018 jyldy qorytyndylap, úzdikterdi anyqtady, dep habarlaıdy QazAqparat tilshisi.
QR Ulttyq olımpıada komıtetiniń baspasóz qyzmeti málim etkendeı, jyl qorytyndysy boıynsha Astanada ótken álem kýboginiń fınaldyq básekesi úzdik jarnamalanǵan saıys atalymy boıynsha jeńimpaz atandy.
Odan bólek, UIPM Qurmet zalyna engen 15 adamnyń qataryna qazaqstandyq Dosymbetov Tımýr Qamaluly da qosyldy. Ol elimizdegi jáne álemdegi zamanýı bessaıysty damytýǵa qosqan úlesi úshin Qurmet zalynan oryn aldy.
Búginge deıin Halyqaralyq zamanýı bessaıys odaǵynyń Qurmet zalyna engen tanymal tulǵalar qatarynda olımpıadalyq qozǵalystyń bastaýynda turǵan Baron Per de Kýberten, HOK prezıdenti retinde 21 jyl jumys istegen Hýan Antonıo Samaranch, zamanaýı bessaıystan Olımpıada oıyndarynyń birneshe dúrkin chempıony ári júldegeri Pavel Lednevter bar.
