Ýımbldonnyń tennıs korty órtendi
ASTANA. QazAqparat - Ýımbldondaǵy tennıs týrnıri ótkiziletin anglııalyq laýn-tennıs jáne kroket klýbynyń (AELTC) jattyǵý korty otqa orandy. Keleńsiz jaǵdaı jarys bastalýǵa nebári bir apta qalǵanda bolyp otyr.
«Órt tonnaǵa jýyq qurylys materıalyn,20 metrdeı jasyl qorshaýdy, sondaı-aq ýaqytsha pavılondy jalmap ketti», delingen London órt sóndirý qyzmetiniń málimdemesinde.
Tilsiz jaýdy aýyzdyqtaýǵa tórt órt sóndirý mashınasy men 21 órt sóndirýshi jumyldyryldy. Qazirgi ýaqytta órt sóndirildi.
Ottyń qaıdan tutanǵany ázirge belgisiz. Tergeý jumystary bastaldy, dep habarlaıdy bbc.com.
Eske sala ketsek, Ýımbldon - Úlken dýlyǵa týrnıri ótkiziletin eń kóne stadıon. Bul jerde aǵymdaǵy jylǵy negizgi matchtar 3 shildede bastalyp, 19 shildede aıaqtalady.
