Ýımbldonda Elena Rybakınany jeńgen Ons Jaber fınalǵa shyqty

ASTANA. QazAqparat – Ýımbldonda áıelder arasynda fınalǵa shyqqan tennısshiler anyqtaldy, dep habarlaıdy QazAqparat tilshisi.

Birinshi jartylaı fınalda álemniń 42-raketkasy, chehııalyq Marketa Vondroýshova men reıtıngte 76-orynda turǵan Elına Svıtolına baq synady.

Bul oıynda chehııalyq sportshy senimdi óner kórsetip, 6:3, 6:3 esebimen jeńiske jetti.

Osylaısha, M.Vondroýshova sporttyq jolynda ekinshi ret «Úlken dýlyǵa» týrnıriniń fınalyna shyǵyp otyr.

Ol 2019 jyly Rolan Garrosta sheshýshi básekede aýstralııalyq Eshlı Bartıge jol bergen edi.

Ekinshi jartylaı fınalda álemniń 2-raketkasy, Belarýs ókili Arına Sobolenko men reıtıngte 6-satydaǵy týnıstik Ons Jaber kezdesti.

Birinshi partııada taı-breıkte A.Sobolenko basymdylyq tanytty – 7:6 (7:5). Ol ekinshi sette de 4:2 esebimen alda turdy, biraq sol múmkindigin paıdalana almady. Budan keıin sátti oınaǵan Ons Jaber 6:4, 6:3 esebimen qarsylasyn qapy qaldyrdy.

Sóıtip, fınalda O.Jaber men M.Vondroýshova bas júldeni sarapqa salady.

Ótken jyly fınalda qazaqstandyq Elena Rybakına týnıstik tennısshini utqan edi. Alaıda bıyl O.Jaber shırek fınalda E.Rybakınadan aılasyn asyryp ketti. Endi ol chempıon atanatyn bolsa, Elenany yǵystyryp, álemniń 3-raketkasy atanady.

Eske sala keteıik, budan buryn qazaqstandyq tennısshiler Ýımbldonda qansha tabys tapqanyn jazǵan edik.

Elena Rybakına endi AQSh-taǵy týrnırlerge daıyndalatynyn aıtty.

Danıal Rahmatýllaev álemdegi úzdik 200 jas tennısshiniń qataryna kirdi.

Tımofeı Skatov juptyq synda Germanııadaǵy jarystyń jartylaı fınalyna ótse, ıÝlııa Pýtıntseva Shvetsııadaǵy týrnırdiń jartylaı fınalyna joldama aldy.