Ýımbldon týrnırinde Danılına men Pýtıntseva bir-birimen oınaıdy
ASTANA. KAZINFORM — Ýımbldon týrnırinde qazaqstandyq tennısshilerdiń juptyq syndaǵy qarsylastary anyqtaldy.
Qazaqstannyń birinshi, álemniń 6-raketkasy Anna Danılına men serbııalyq Aleksandra Krýnıch jarystyń favorıtteri qatarynda óner kórsetedi.
«Úlken dýlyǵa» týrnıriniń 3-raketkasy bolyp tirkelgen A.Danılına — A.Krýnıch alǵashqy aınalymda taǵy bir qazaqstandyq ıÝlııa Pýtıntseva — kanadalyq Leıla Fernandespen sheberlik baıqasady.
Sonymen qatar erler arasynda qazaqstandyq Aleksandr Býblık aýstralııalyq Nık Kırospen birge dodaǵa kirmekshi. Bul juptyń bastapqy qarsylasy — salvadorlyq Marselo Arevalo men horvatııalyq Mate Pavıch.
Oǵan qosa tájirıbeli qazaqstandyqtar Andreı Golýbev pen Aleksandr Nedovesov Ýımbldonda baq synap kórmekshi. Olar nıderlandylyq Iesper De Iong — frantsııalyq Valentın Roıeden ótýge tyrysyp kóredi.
Búgin Ýımbldonda jekeleı synda qazaqstandyqtardan ıÝlııa Pýtıntseva men Aleksandr Shevchenko jarysty alǵashqy bolyp bastaıdy.
ıÝ.Pýtıntseva germanııalyq Tatıana Marııamen, A.Shevchenko álemniń 4-raketkasy, kanadalyq Felıks Oje-Alıassımmen oınaıdy.
Eske sala keteıik, budan buryn Elena Rybakınanyń álemdik reıtıngide kósh bastaý múmkindigi týraly aıtyp bergenin jazǵan edik.
