Ýımbldon týrnırinde ıA.Shvedova men Z.Dııas kelesi qarsylastaryn utsa, ózara kezdesedi
ORAL. QazAqparat - Búgin qazaqstandyq tennısshi ıAroslava Shvedova da Ýımbldon týrnıriniń tórtinshi aınalymyna shyqty.
Onyń amerıkandyq tennısshi, álemniń 30-ynshy raketkasy Medıson Kıspen kezdesýi senbi kúni 7:6, 6:6 bolyp turǵan jerinen qarańǵylyqtyń túsýine baılanysty keıinge qaldyrylǵan bolatyn. Búgin M.Kıs jaraqatyna baılanysty matchty jalǵastyrýdan bas tartty. ıA.Shvedova tórtinshi aınalymda nemis qyzy Sabın Lısıtskı nemese serbııalyq Ana Ivanovıchtiń birimen kezdesedi. Buǵan deıin «úlken dýlyǵanyń» tórtinshi aınalymyna óz ómirinde birinshi ret Zarına Dııas shyqqan bolatyn. Onyń qarsylasy áldeqaıda myqty - álemniń úshinshi raketkasy, rýmynııalyq Sımona Halep. Avstralııanyń bıylǵy ashyq chempıonatynda Zarına osy tennısshige jol bergen edi. Eger ıA.Shvedova men Z.Dııas bul qarsylastaryn utatyn bolsa, onda shırek fınalda ózara jolyǵysady.
