Ýımbldon týrnıri: Qarsylasyn oısyrata utqan Zańǵar Nurlanuly úshinshi aınalymǵa shyqty
ASTANA. KAZINFORM — Qazaqstandyq tennısshi, 18 jastaǵy Zańǵar Nurlanuly jekeleı synda jasóspirimder arasynda Ýımbldon týrnıriniń úshinshi aınalymyna joldama aldy.
Jarystyń 8-raketkasy bolyp tirkelgen Zańǵar ekinshi aınalymda aýstralııalyq Danıel Iovanovskıdi oısyrata jeńdi - 6:1, 6:1.
Match nebári 55 mınýtqa sozyldy.
Taǵy bir qazaqstandyq Damır Jalǵasbaı ekinshi aınalymda asa tartysty matchta ońtústikafrıkalyq Konnor Doıgqa jol berdi - 6:4, 6:7 (3:7), 6:7 (6:8).
Eske sala keteıik, budan buryn Ýımbldon týrnırinde Damır Jalǵasbaıdyń jeńisti jolyn juptyq synda jalǵastyrǵanyn jazǵan edik.
