Ýımbldon týrnıri: Elena Rybakına ortalyq kortta qarsylasyn oısyrata jeńdi
ASTANA. KAZINFORM — Qazaqstannyń birinshi, álemniń 1-raketkasy Elena Rybakına Ýımbldon týrnıriniń úshinshi aınalymyna shyqty.
Qazaqstandyq tennısshi ekinshi oıynyn Londondaǵy ortalyq kortta álemdik reıtıngide 50-oryndaǵy amerıkalyq Ketı Maknellımen ótkizdi.
Qarsylastar osyǵan deıin ózara eki ret kezdesken, esep – 1:1, teń edi.
Bul joly birinshi partııada Elena aıqyn basymdylyq kórsetti – 6:1.
Rybakına ekinshi setti de breıkpen bastady – 2:0. Taǵy bir breık – 5:2. Sodan keıin ekinshi matchbolyn paıdalana bildi – 6:2.
Bir saǵat 10 mınýtqa sozylǵan básekede E.Rybakına 1 eıspen birge 10 breık-poınttyń tórteýin múlt jibergen joq. Amerıkalyq tennısshi 1 eıspen shekteldi.
Elena Rybakına tórtinshi aınalymǵa shyǵý úshin álemniń 27-raketkasy, belgııalyq Elıze Mertenspen talasady. Ol ekinshi aınalymda reıtıngide 95-satydaǵy ózbekstandyq Marııa Tımofeevany joldan taıdyrdy – 2:6, 6:3, 6:0.
Eske sala keteıik, budan buryn Ýımbldon týrnırinde Anna Danılınanyń juptyq synda ıÝlııa Pýtıntsevany utqanyn jazǵan edik.
