Ýımbldon týrnıri: Damır Jalǵasbaı jarystyń 7-raketkasyn jeńdi
ASTANA. KAZINFORM — Qazaqstandyq tennısshi, 18 jastaǵy Damır Jalǵasbaı jasóspirimder arasynda Ýımbldon týrnırin sátti bastady.
Damır bastapqy kezdesýin osy jarystyń 7-raketkasy, aýstrııalyq Tılo Bermanmen ótkizdi.
Aýstrııalyq sportshy matchty sátti bastady — 6:3.
Budan keıin Damır qos birdeı taı-breıkte tarazy basyn ózine aýdara bildi — 7:6 (7:3), 7:6 (10:8).
Tartysty match 2 saǵat 13 mınýtqa sozyldy.
Damır Jalǵasbaı úshinshi aınalymǵa shyǵý úshin ońtústikafrıkalyq Konnor Doıgpen talasady.
Taǵy bir qazaqstandyq Anna Danılına mıkste amerıkalyq Djeıms Treısımen birge ekinshi aınalymda ındonezııalyq Aldıla Sýtdjıadı — argentınalyq Gvıdo Andreossıge jol berdi — 6:7 (6:8), 7:5, 3:6.
Eske sala keteıik, budan buryn Ýımbldon týrnırinde bes settik matchta jeńiske jetken Aleksandr Býblıktiń tórtinshi aınalymǵa ótkenin jazǵan edik.
