Ýımbldon týrnıri: Beıbit Juqaev irikteý saıysynyń fınalyna joldama aldy

ASTANA. KAZINFORM - Qazaqstandyq tennısshi, álemniń 251-raketkasy Beıbit Juqaev Ýımbldon týrnıriniń irikteý saıysynda ekinshi kezdesýin sátti ótkizdi.

Qazaqstandyq tennısshi irikteýdiń jartylaı fınalynda álemniń 137-raketkasy, germanııalyq ıAnnık Hanfmannan aılasyn asyrdy.

Bir saǵat 24 mınýtqa sozylǵan matchta Beıbit 7:6 (9:7), 6:3 esebimen jeńiske jetti. Ol 19 eıspen birge 2 breık-poınttyń bireýin paıdalandy.

Beıbit Juqaev irikteý saıysynyń fınalynda álemniń 200-raketkasy, japonııalyq Djeıms Kent Trotter nemese reıtıngide 239-satydaǵy frantsııalyq Lıýka 

Pavlovıchtiń qaı jeńgenimen sheberlik talastyrady. Kelesi qarsylasyn utsa, negizgi jarysqa joldama alady.

Búgin taǵy bir qazaqstandyq, álemniń 190-raketkasy Mıhaıl Kýkýshkın reıtıngide ózinen tórt saty tómen turǵan danııalyq Aýgýst Holmgrenge jol berdi - 6:4, 6:7 (4:7), 2:6.

Al reıtıngide 212-oryndaǵy Tımofeı Skatov álemniń 144-raketkasy, belgııalyq Aleksandr Bloksqa ese jiberdi - 4:6, 5:7.

Eske sala keteıik, budan buryn Ýımbldonnyń irikteý týrnırinde Beıbit Juqaevtyń alǵashqy jeńisine qol jetkizgenin jazǵan bolatynbyz.