Ýımbldon týrnıri: Anna Danılına jarys jolyn aıaqtady
ASTANA. KAZINFORM — Qazaqstannyń juptyq syndaǵy birinshi, álemniń 6-raketkasy Anna Danılına Ýımbldon týrnıriniń shırek fınalyna shyǵa almady.
Serbııalyq Aleksandra Krýnıchpen birge jarystyń 3-raketkasy bolyp tirkelgen qazaqstandyq tennısshi úshinshi aınalymda estonııalyq Ingrıd Nıl — meksıkalyq Djýlıana Olmosqa tap keldi.
Birinshi partııada Anna men Aleksandra basymdylyq tanyttty — 7:5 Ekinshisinde esep 3:3 bolǵan mezette estonııalyq-meksıkalyq dýet breık jasap ketti — 6:4.
Úshinshi, sheshýshi partııa da dál osyndaı eseppen Nıl men Olmostyń paıdasyna jazyldy.
Eki saǵat 48 mınýtqa sozylǵan tartysty básekede Danılına — Krýnıch 7 eıspen birge 10 breık-poınttyń tek bireýin ǵana paıdalandy. Qarsylas jup 2 eıs, 2 breıkpen (6 breık-poınt) kózge tústi.
Osylaısha, Anna Danılına Ýımbldonda jarys jolyn aıaqtady.
Eske sala keteıik, budan buryn Ýımbldon týrnırinde Damır Jalǵasbaıdyń jarystyń 7-raketkasyn jeńgenin jazǵan edik.
ıÝlııa Pýtıntseva Shvetsııadaǵy týrnırde alǵashqy qarsylasyn utty.
