Ýımbldon týrnıri: Anna Danılına kambekpen úshinshi aınalymǵa shyqty
ASTANA. KAZINFORM — Qazaqstannyń birinshi, álemniń 6-raketkasy Anna Danılına Ýımbldon týrnıriniń úshinshi aınalymyna joldama aldy.
Serbııalyq Aleksandra Krýnıchpen birge jarystyń 3-raketkasy bolyp tirkelgen qazaqstandyq tennısshi ekinshi aınalymda ýkraınalyqtar Angelına Kalınına — Daıana ıAstremskaıaǵa tap keldi.
Birinshi partııada ýkraınalyq jup basymdylyq tanytty — 6:2.
Ekinshisinde qazaqstandyq-serbııalyq jup ese qaıyrdy — 6:4. Sosyn úshinshi, sheshýshi sette bet qaratpady — 6:0.
Bir saǵat 47 mınýtta sozylǵan básekede Anna men Aleksandra 1 eıspen birge 13 breık-poınttyń altaýyn paıdalandy. Ýkraınalyq dýet 1 eıs, 4 breıkpen (7 breık-poınt) shekteldi.
Anna Danılına — Aleksandra Krýnıchtiń kelesi qarsylastary keıin anyqtalady.
Eske sala keteıik, budan buryn Ýımbldon týrnırinde Elena Rybakınanyń ortalyq kortta qarsylasyn oısyrata jeńgenin jazǵan edik.
Sondaı-aq Aleksandr Býblık Ýımbldon týrnıriniń úshinshi aınalymyna shyqty.
