Ýımbldon: Tımofeı Skatov tartysty matchta qarsylasyna jol berdi

ASTANA. QazAqparat – Qazaqstannyń – ekinshi, álemniń 138-raketkasy, 22 jastaǵy Tımofeı Skatov Ýımbldonnyń irikteý saıysynda qarsylasyna jol berdi, dep habarlaıdy QazAqparat tilshisi.

Qazaqstandyq tennısshi irikteý saıystarynyń shırek fınalynda dúnıejúzilik reıtıngide 187-orynda turǵan belgııalyq Kımmer Koppeıanspen sheberlik baıqasty.

Birinshi partııada taı-breıkte T.Skatov basymdyq tanytty – 7:6 (7:3).

Ekinshisinde 29 jastaǵy belgııalyq sportshy ese qaıyrdy – 6:4.

Úshinshi, sheshýshi sette match taǵdyry taı-breıkte sheshildi. Jeńis tájirıbeli K.Koppeıanstiń enshisinde ketti – 7:6 (13:11).

Tartysty ótken báseke úsh saǵatqa jýyq ýaqytqa sozyldy.

Tımofeı Skatov ótken jyly Aýstralııa ashyq chempıonatynda, bıyl Rolan Garros týrnırinde irikteý satysynda baq synap, negizgi kezeńge ótken edi. Bul joly Ýımbldon jarysynda sál sáttilik jetpeı qaldy.

Eske sala keteıik, budan buryn Aleksandr Býblıktiń álemniń 27-raketkasy atanǵanyn jazǵan bolatynbyz.

Sondaı-aq Elena Rybakına Istbýrn týrnırine qatysýdan bas tartty.