Ýımbldon: Rybakınaǵa qarsylyq tanytatyn sportshy kim

ASTANA. KAZINFORM – Ýımbldon týrnırinde sheshýshi kezdesýler bastaldy. Otandasymyz Elena Rybakınanyń negizgi qarsylastary sanalatyn Arına Sobolenko, Iga Shventek chempıondyqqa úmitkerler qatarynda joq. Sport sarapshylary, býkmekerlik keńseler týrnırdiń jeńimpazy retinde Rybakınany meńzep otyr.

Aıta keteıik, Rybakınanyń kezdesýleri kóbine jabyq kortta ótip jatyr. Sáıkesinshe, kóptegen kezdesýler sııaqty jaýynnyń saldarynan toqtatylyp jatqan joq. 

«Jabyq kortta oınaǵannyń tıimdiligi kóp. Jel joq. ıAǵnı, dopty oıynǵa sátti qosýǵa kedergi az. Sońǵy kezdesýlerime jaqsy baǵa beremin. Kortqa shyqqan saıyn lázzat alamyn. Mundaǵy kez kelgen qarsylas qıyn. Týrnırdiń sońǵy kezeńderine joldama alǵanyma qýanyshtymyn. Sońyna deıin jete alamyn dep úmittenemin», - dedi Rybakına korttaǵy suhbatynda.

Búginde Rybakınamen qatar chempıondyqqa úmitkerlerdiń qatarynda Emma Navarro, Jasmıne Paolını, Elena Ostapenko, Barbora Kreıchıkova, Donna Vekıch, Elına Sıtolına, Lýlý Sýn sııaqty tennısshiler bar.

Esterińizge salsaq, buǵan deıin Elena Rybakınanyń shırek fınalǵa joldama alǵanyn jazǵan edik.