Ýımbldon: Qazaqstandyq jasóspirimder juptyq synda ekinshi aınalymǵa ótti

ASTANA. KAZINFORM – Qazaqstandyq tennısshiler juptyq synda jasóspirimder arasynda Ýımbldon týrnıriniń ekinshi aınalymyna ótti.

Zańǵar Nurlanuly – Damır Jalǵasbaı bastapqy kezdesýin amerıkalyqtar Raıan Kozad – Maksımýs Dıýssomen ótkizdi.

Birinshi partııada qazaqstandyq jup 7:5 esebimen basym tústi.

Ekinshi sette amerıkalyq dýet qarymta qaıyrdy – 7:6 (7:3). Degenmen sýper taı-breıkte Zańǵar men Damır jeńisti julyp aldy – 10:7.

Match saǵat jarym ýaqytqa sozyldy. 

Taǵy bir qazaqstandyq Ámir Omarhanov reseılik Egor Pleshıvtsevpen birge amerıkalyqtar Matıss Farzam – Gevın Gýdtyń mysyn basty – 6:3, 7:5. 

Qazaqstandyq tennısshiler kelesi qarsylastaryn jeńse, shırek fınalǵa joldama alady.

Ókinishke qaraı, olar jekeleı synda jarys jolynan shyǵyp qaldy. 

Eske sala keteıik, budan buryn Elena Rybakınanyń Ýımbldon týrnıriniń tórtinshi aınalymynan tys qalǵanyn jazǵan edik.