Ýımbldon: Elena Rybakına shırek fınalǵa óte ala ma

ASTANA. QazAqparat – Qazaqstannyń birinshi, álemniń 3-raketkasy Elena Rybakına búgin Ýımbldonda tórtinshi aınalymda dúnıejúzilik reıtıngte 13-orynda turǵan brazılııalyq Beatrıs Haddad Maııamen shırek fınal joldamasyn sarapqa salady, dep habarlaıdy QazAqparat tilshisi.

Qos sportshy úshin mańyzdy báseke Astana ýaqytymen saǵat 18.30-da bastalady.

Qazaqstandyq tennısshiniń ózi moıyndaǵanyndaı, tórtinshi aınalymda oǵan óte kúshti qarsylas tap boldy.

Osyǵan deıin olar bıyl Ábý-Dabıde jáne Shtýtgartta kezdesip, ekeýinde de brazılııalyq oıynshynyń asyǵy alshysynan tústi.

Endi sonyń esesin Elena Rybakına qaıtara ala ma, ony búgingi báseke kórsetedi. Onyń ústine Beatrıs Haddad Maııa Ýımbldonda bastapqy kezdesýinde taǵy bir qazaqstandyq ıÝlııa Pýtıntsevany joldan taıdyrǵan bolatyn – 3:6, 6:0, 6:4.

Ótken jyly Londonda chempıondyq táj kıgen E.Rybakına atalmysh jarysta qatarynan on ret jeńiske jetti. Bıyldyń ózinde alǵashqy aınalymda amerıkalyq Shelbı Rodjersti (4:6, 6:1, 6:2) tize búktirse, sosyn frantsııalyq Alıze Korneni utty – (6:2, 7:6 (7:2). Úshinshi aınalymda ulybrıtanııalyq Ketı Býlterdi bet qaratpady – 6:1, 6:1.

Búgin sondaı-aq Anna Danılına aralas jupta frantsııalyq Nıkolıa Maıýmen birge ıtalııalyq Andrea Vavassorı – reseılik Lıýdmıla Samsonovamen shırek fınal joldamasy úshin talasady.

Eske sala keteıik, budan buryn Elena Rybakınanyń kelesi qarsylasy óte kúshti ekenin aıtqanyn jazǵan bolatynbyz.

Ýımbldonda Aleksandr Býblık 39 eıs jasaǵanymen, shırek fınalǵa shyǵa almady.

Ýımbldonda Anna Danılına 1/8 fınalǵa ótti.

Mıhaıl Kýkýshkın AQSh-taǵy jarystyń fınalynda ese jiberdi.