Ýımbldon chempıony Elena Rybakına ÝEFA shtab-páterinde boldy

NUR-SULTAN. QazAqparat - Ýımbldon chempıony, Qazaqstannyń birinshi raketkasy Elena Rybakına Shveıtsarııanyń Non qalasynda ornalasqan Eýropa fýtbol qaýymdastyqtary odaǵynyń (ÝEFA) shtab-páterinde boldy, dep habarlaıdy QazAqparat tilshisi.

Qazaqstan tennıs federatsııasynan málim etkendeı, 23 jastaǵy tennısshi Eýropanyń bas klýbtyq týrnıri - Chempıondar lıgasynyń trofeıimen sýretke tústi.

«Tamasha tájirıbesi men jyly qabyldaǵany úshin ÝEFA-ǵa myń alǵys», - dep jazdy qazaqstandyq tennısshi Instagram paraqshasynda.

E.Rybakına Ýımbldonnan keıingi alǵashqy jarysyn AQSh-ta ótkizedi. Ol 1-7 tamyzda bolatyn San-Hose WTA 500 týrnırinde baq synaıdy.

Eske sala keteıik, budan buryn tennısten jasóspirimder arasyndaǵy álem chempıonatyna kimder baratyny anyqtalǵanyn jazǵan bolatynbyz.

Foto: instagram.com/lenarybakina