Ýımbldon chempıony Elena Rybakına barsha jankúıerlerine alǵysyn jetkizdi
Qazaqstandyq tennısshi «Úlken dýlyǵa» jarysynyń jeńimpazy atanǵan kezde aıryqsha sezimge bólengenin jetkizdi.
«Úlken rahmet! Matchqa deıin de, onyń barysy da maǵan ońaıǵa tıgen joq. Qarsylasyma tamasha báseke úshin alǵysymdy aıtamyn. Jankúıerlerge rahmet. Olardyń aldynda oınaý men úshin úlken qurmet edi. Men jarysty eki apta boıy jalǵastyramyn dep oılaǵanym joq. Al jeńimpaz bolý tipti ǵajap! Ózimniń komandama rahmet, ol bolmasa, bul jerde men turmas edim. Meni qoldaýǵa arnaıy kelgen Qazaqstan tennıs federatsııasynyń prezıdenti Bolat Jamıtuly Ótemuratovqa rızashylyǵymdy bildiremin. Ata-anam úıden qoldady, bárine rahmet!», dedi 23 jastaǵy E.Rybakına.
Qazaqstandyq tennısshi 2011 jylǵy Ýımbldonnan beri eń jas jeńimpaz ataǵyna ıe boldy. 2011 jyly chehııalyq Petra Kvıtova 21 jasynda jeńis tuǵyryna kóterilgen edi.
E.Rybakına chempıon bolý arqyly óziniń tabys qoryn da molaıtty. Ol Ulybrıtanııa ashyq birinshiligi qorytyndysynda 4 mln 333 myń sterlıng (2,5 mıllıardtaı teńge) tabys tapty.
Eske sala keteıik, budan buryn býkmekerler Ýımbldon fınalynda Elena Rybakınanyń qarsylasyn favorıt dep tanyp otyrǵanyn jazǵan bolatynbyz.
Sondaı-aq qazaqstandyq tennısshilerdiń Bıllı Djın Kıng kýbogyndaǵy qarsylastary anyqtaldy.
Elena Rybakına alǵash ret Ýımbldon týrnıriniń chempıony atandy.
