Ýımbldon: Anna Danılına ekinshi aınalymǵa joldama aldy

ASTANA. KAZINFORM – Qazaqstannyń juptyq syndaǵy birinshi, álemniń 52-raketkasy Anna Danılına Ýımbldon týrnıriniń ekinshi aınalymyna joldama aldy.

Anna Danılına men qytaılyq Sıýı Ifannyń Polsha ókilderi Magdalena Frenh – Katajına Kavamen kezdesýi asa tartysty ótti.

Birinshi partııada qazaqstandyq-qytaılyq jup 6:4 esebimen basym tússe, ekinshisinde Frenh – Kava ese qaıyrdy – 6:4.

Sheshýshi, úshinshi sette Danılına – Ifan taı-breıkte jeńisti julyp aldy – 7:6 (10:6). Eki saǵat 41 mınýtqa sozylǵan matchta ekeýi 2 eıs, 3 breıkpen (9 breık-poınt) kózge tústi. Polsha juby 1 eıs jasap, 7 breık-poınttyń úsheýin paıdalandy.

Anna Danılına – Sıýı Ifannyń 1/16 fınaldaǵy qarsylastary keıin anyqtalady.

Ýımbldonda erler arasynda Aleksandr Býblık – Aleksandr Shevchenko juptyq básekede alǵashqy aınalymda-aq úndistandyq ıÝkı Bhambrı – frantsııalyq Albano Olıvettıge jol berdi – 4:6, 4:6. 

Eske sala keteıik, budan buryn Aleksandr Býblıktiń Ýımbldonnyń úshinshi aınalymyna shyqqanyn jazǵan bolatynbyz.

Parıj olımpıadasyna qatysatyn Qazaqstan tennıs quramasy anyqtaldy.

Ýımbldonda Pýtıntseva olımpıada chempıonyn utyp, úshinshi aınalymǵa shyqty.