Ýımbldon: Ámir Omarhanov jasóspirimder arasynda 1/8 fınalǵa joldama aldy

LONDON. KAZINFORM – Qazaqstandyq Ámir Omarhanov jasóspirimder arasynda Ýımbldon týrnıriniń 1/8 fınalyna joldama aldy.

Jarystyń 13-raketkasy bolyp tirkelgen qazaqstandyq tennısshi ekinshi aınalymda ulybrıtanııalyq Lıýk Hýpermen kezdesti.

Birinshi partııada Ámir 6:4 esebimen basymdylyq tanytsa, ekinshisinde kort ıesi ese qaıyrdy – 7:5. 

Sheshýshi, úshinshi setti Omarhanov breıkpen túıindedi – 6:3. Tartysty match 2 saǵat 16 mınýtqa sozyldy.

Ámir Omarhanov shırek fınalǵa shyǵý úshin týrnırdiń 1-raketkasy, amerıkalyq Keılan Bıgýn nemese frantsııalyq Tomas Faýreldiń qaı jeńgenimen talasady.

Búgin áıelder arasynda Elena Rybakına ýkraınalyq Elına Svıtolınamen sheberlik baıqasyp, jartylaı fınal joldamasyn sarapqa salady.

Eske sala keteıik, budan buryn Ýımbldonda Ámir Omarhanovtyń jasóspirimder arasynda alǵashqy jeńisine qol jetkizgenin jazǵan edik.