Ýımbldon: Aleksandr Býblık Galledegi jeńisti jolyn jalǵastyra ala ma

ASTANA. QazAqparat – Búgin Londonda bastalatyn Ýımbldon týrnırinde qazaqstandyqtardan alǵashqy bolyp Aleksandr Býblık kortqa shyǵady, dep habarlaıdy QazAqparat tilshisi.

Qazaqstannyń – birinshi, álemniń 26-raketkasy, 26 jastaǵy Aleksandr Býblık bastapqy kezdesýin ózinen eki jasqa úlkendigi bar, dúnıejúzilik reıtıngide 54-orynda turǵan amerıkalyq Makkenzı Makdonaldpen ótkizedi.

Bul A.Býblıktiń óz sporttyq jolyndaǵy eń iri tabysy – Galle (Germanııa) ATP 500 týrnırinde chempıon atanǵannan keıingi birinshi oıyny bolmaq. Sol jeńisti jolyn jalǵastyra ala ma, ony búgingi oıyn kórsetedi.

M.Makdonald osal qarsylas emes. Ýımbldon aldynda Istbýrn jarysynda jartylaı fınalǵa deıin jetip, sonyń nátıjesinde búgin jańartylǵan álemdik reıtıngide birden on satyǵa joǵary kóterildi.

Býblık – Makdonald matchy Astana ýaqytymen saǵat 19.30-da bastalady.

Eske sala keteıik, budan buryn qazaqstandyq tennısshilerdiń Ýımbldon týrnırindegi qarsylastary anyqtalǵanyn jazǵan bolatynbyz.

Ýımbldon aldynda qazaqstandyq tennısshilerdiń reıtıngidegi orny jarııalandy.

Londondaǵy baspasóz máslıhatyna qatysqan Elena Rybakına Ýımbldondaǵy alǵashqy qarsylasy týraly pikir bildirgen edi.