Ýımbldon aldynda qazaqstandyq tennısshilerdiń reıtıngidegi orny belgili boldy

ASTANA. QazAqparat – Búgin Londonda bastalatyn Ýımbldon týrnıri aldynda qazaqstandyq tennısshilerdiń álemdik reıtıngidegi oryndary belgili boldy, dep habarlaıdy QazAqparat tilshisi.

Áıelder arasynda Qazaqstannyń birinshi raketkasy Elena Rybakına 3-ornyn saqtap qaldy.

ıÝlııa Pýtıntseva 53-ten 56-ǵa syrǵydy.

Polsha ókili Iga Shventek WTA reıtıngisinde kósh bastasa, Belarýs ókili Arına Sobolenko ekinshi satyda.

Juptyq synda chehııalyqtar Katerına Sınıakova men Barbora Kreıchıkova jáne amerıkalyq Djessıka Pegýla kóshtiń aldyn bermese, qazaqstandyq Anna Danılına – 24, E.Rybakına 97-ornynda qaldy.

Erler arasynda Qazaqstannyń birinshi raketkasy Aleksandr Býblık 27-ornyn saqtasa, Tımofeı Skatov – 138, Beıbit Juqaev – 243 (-4), Mıhaıl Kýkýshkın – 262 (-3), Denıs Evseev 324 – (-4), Dmıtrıı Popko 346-satyda (-3) tur.

ATP reıtıngisinde ıspanııalyq Karlos Alkaras, serbııalyq Novak Djokovıch jáne reseılik Danııl Medvedev úzdik úshtikte keledi.

Juptyq synda álemdik reıtıngide amerıkalyq Ostın Kraıchek, nıderlandtyq Ýeslı Kolhof jáne ulybrıtanııalyq Nıl Skýpskı alda bolsa, elimizdiń úzdik oıynshysy Aleksandr Nedovesov 51-den 48-ge joǵarylap, Andreı Golýbev 86-dan 88-ge syrǵydy.

Eske sala keteıik, budan buryn qazaqstandyq tennısshilerdiń Ýımbldon týrnırindegi qarsylasy anyqtalǵanyn jazǵan bolatynbyz.

Sondaı-aq qazaqstandyq jas tennısshiler Tegerandaǵy týrnırde jeńiske jetti.