Ýılıam Ýebster: AQSh barlaý tarıhyndaǵy biregeı tulǵa qaıtys boldy

ASTANA. KAZINFORM — AQSh-ta Federaldyq tergeý bıýrosy men Ortalyq barlaý basqarmasyn bir mezgilde basqarǵan jalǵyz adam — Ýılıam Ýebster 101 jasynda qaıtys boldy.

AQSh-ta 101 jasynda Ýılıam Ýebster dúnıeden ótti. Ol AQSh tarıhynda Federaldyq tergeý bıýrosy (FTB) men Ortalyq barlaý basqarmasyn (OBB) bir mezgilde basqarǵan jalǵyz adam bolǵan.

FTB saıtyndaǵy málimetke sáıkes, Ýebster óziniń ómirin 60 jyldan astam ýaqyt boıy elge qyzmet etýge arnaǵan.

— Ol óz isine adal boldy, ómirin elge qyzmet etýge arnady. Ekinshi dúnıejúzilik soǵys pen Koreıa soǵysy kezinde Áskerı-teńiz kúshterinde qyzmet etken, keıin federaldy sýdıa, FTB men OBB dırektory boldy, — delingen habarlamada.

Ýılıam Ýebster — AQSh-tyń ulttyq qaýipsizdik salasyna eleýli úles qosqan tulǵa.

Buǵan deıin Mıanma prezıdentiniń mindetin atqarýshy Mın Shve qaıtys bolǵanyn jazǵanbyz.