Ýıll Smıttiń úıin reseılik olıgarh satyp aldy
ASTANA. 5 aqpan. QazAqparat - Akter Ýıll Smıttiń derbes turǵan úıin reseılik kásipker Dmıtrıı Rybolovlev 20 mln. dollarǵa satyp aldy, dep habarlady Lenta.rý.
Smıttiń Gavaı araldaryndaǵy úıi ótken jylǵy jeltoqsanda satylǵan bolatyn. Ol ashyq saýdaǵa shyǵarylǵan joq, sondyqtan da baspasóz satyp alýshynyń aty-jónin birden anyqtaı almady. Bul birqabatty aýdany 205 sharshymetr bolatyn, ishinde úsh jatyn bólmesi jáne úsh jýynatyn bólmeleri bar úı. Onyń 2,8 gektardy alyp jatqan aýmaǵynda jaǵajaı, basseın, tennıs korty jáne voleıbol alańqaıy bar.
Dmıtrıı Rybolovlev - reseılik kásipker, ınvestor, belsendi qaıyrymdylyq sharalary qaıratkeri jáne frantsýzdyń «Monako» fýtbol klýbynyń ıesi. Forbes jýrnalynyń málimetteri boıynsha, mıllıarderlerdiń alǵashqy júzdigine kiredi. Reseıdiń eń dáýletti adamdarynyń tiziminde 13-orynda tur.
Rybolovlev 2010 jyly baqylaý aktsııasy býmasyn satqan «Ýralkalıı» kompanııasynyń arqasynda dáýlet jıǵan.
