Ýılıam Shekspır shyǵarmalarynyń jınaǵy bássaýdada 3,6 mln. dollarǵa satyldy
ASTANA. QazAqparat - Ýılıam Shekspır shyǵarmalary jınaǵynyń biregeı alǵashqy basylymdary Christie's bássaýdasynda 3,6 mln. jýyq dollarǵa satyldy.
Bul týraly bássaýda úıiniń saıtynda ornalastyrylǵan habarlamada aıtylady, dep jazady TASS.
Avtordyń alǵashqy ári eń sırek kezdesetin shyǵarmalar jınaǵy 1623 jyly jaryq kórgen, oǵan 36 pesa kirip otyr, sonyń ishinde 18-i buǵan deıin jarııalanbaǵan. Bastapqyda basylym 1,1-1,7 mln. dollarǵa baǵalanǵan, biraq 2,7 mln. dollarǵa satyldy. Taǵy basqa úsh folıant 1632, 1664 jáne 1685 jyldary shyqqan. Olar sáıkesinshe 281,6 myń, 524,9 myń jáne 68,8 myń dollarǵa satyldy.
Bássaýdanyń aldynda basylymdar Nıý-Iork jáne London jurtshylyǵyna tanystyryldy.
The Daily Mail gazetiniń jazýynsha, barlyq lottardy esimi atalmaǵan amerıkandyq toptamashy satyp aldy.
