Ýılıam Perrı: Nursultan Nazarbaev - ıadrolyq qarýsyzdandyrý isinde sózsiz kóshbasshy

ASTANA. QazAqparat - AQSh-tyń burynǵy qorǵanys mınıstri Qazaqstan Prezıdenti Nusultan Nazarbaevty ıadrolyq qarýsyzdandyrý isinde kóshbasshy ekendigin aıtty. Bul týraly ol Máskeýde «ıAdrolyq tuńǵıyq shetindegi meniń jolym» atty kitabynyń tusaýkeserinde málim etti, dep habarlaıdy «QazAqparat»HAA tilshisi RF-daǵy QR-nyń saıtyna silteme jasap.

«Menińshe, Qazaqstan bizdiń planetany ıadrolyq qarýsyz álemge jetelep bara jatqan jahandaǵy elderdiń ishinde jetekshi memleket. 1994 jyly Qazaqstan óz erkimen óziniń ıadrolyq arsenaldarynan bas tartatyny týraly sheshim qabyldady jáne búginde atalmysh memleket ıadrolyq otyndy saqtaý baǵytynda mańyzdy ról atqaryp otyr. Qazaqstan men onyń Prezıdenti Nursultan Nazarbaevtyń bul protsesstegi eńbegine óte joǵary baǵa berýge bolady», - deıdi AQSh-tyń burynǵy qorǵanys mınıstri.

Aıta ketsek, Ýılıam Perrı AQSh-tyń Qorǵanys mınıstrligin Bıll Klıntonnyń ákimshiligi kezinde 1994 jyldan 1997 jylǵa deıin basqarǵan. Qazirgi ýaqytta ıadrolyq qaýiptiń aldyn alý boıynsha Halyqaralyq Lıýksembýrg forýmy Baqylaý keńesiniń múshesi bolyp otyr. Óziniń «ıAdrolyq tuńǵıyq shetindegi meniń jolym» atty jańa kitabynda ol ıadrolyq kezeń týraly keń paıym jasap, osynaý jahandyq qaýipke qatysty oqyrmandarymen oı bólisedi.