ÚIIDMB jobalaryn toqyratqan ulttyq kompanııa basshylary jazaǵa tartylady - Á.Isekeshev

ASTANA. 5 qarasha. QazAqparat - Birqatar óńirler elimizdiń Údemeli ındýstrııalyq-ınnovatsııalyq damý memlekettik baǵdarlamasy men Indýstrııalandyrý kartasy boıynsha jumystardy álsiretip jiberdi.

Bul týraly búgin Úkimet otyrysynda QR Indýstrııa jáne jańa tehnologııalar mınıstri Áset Isekeshev aıtty.

Onyń atap ótýinshe, atalǵan baǵyttaǵy jumystar Mańǵystaý, Soltústik Qazaqstan, Aqmola, Atyraý oblystarynda nashar bolsa, Qaraǵandy men Ońtústik Qazaqstan oblysynda birqatar problemaly jobalar bar.

«Serik Nyǵmetuly osyǵan baılanysty men Aqmola, Atyraý, Solústik Qazaqstan, Qaraǵandy oblystary ákimderdiń baǵdarlamaǵa jetekshilik etetin orynbasarlaryna, sonymen qatar Ónerkásip jáne kásipkerlik basqarmalarynyń bastyqtaryna tártiptik jaza sharasyn qabyldaýdy tapsyrdym», - dedi ol.

Sondaı-aq Á.Isekeshevtiń sózine qaraǵanda, «Qazavıaspektr» jobasy boıynsha «QazAgro» tóraǵasynyń orynbasary Matajanov, Balqash SES-in júzege asyrý boıynsha «Samuryq-Energo» vıtse-prezıdenti Ospanov sógis alatyn bolady.