ÚIIDB aıasynda jumys istep jatqan kásiporyndardaǵy qazaqstandyq qamtýdyń úlesi 43,1 paıyzdy qurady
Indýstrııa jáne jańa tehnologııalar mınıstrliginiń Jergilikti qamtýdy damytý jónindegi ulttyq agenttigi osyndaı málimdeme jasap otyr.
Údemeli ındýstrııalyq-ınnovatsııalyq damý baǵdarlamasynyń aıasynda jumys istep jatqan barlyq kásiporyndardyń esepterine negizdeletin mundaı monıtorıng turaqty negizde júrgizilip turady.
Taýarlardyń, jumystar men qyzmetterdiń jalpy satyp alynǵan kólemi 1 584 mıllıard teńgeni quraǵan, onyń ishinde otandyq jetkizýshilerden - 682,7 mıllıard teńgeniń taýarlary men jumystary satyp alynǵan. Monıtorıng júrgizilgen kompanııalar boıynsha qazaqstandyq qamtýdyń úlesi 43,1 paıyzdy qurap otyr.
Onyń ishinde 336,29 mıllıard teńgege taýarlar satyp alynsa, ondaǵy qazaqstandyq taýarlardyń úlesi - 33 mıllıard teńgeni, ıaǵnı, 9,8 paıyzdy quraıdy, 108,5 mıllıard teńgege jumystar satyp alynsa, onyń 74 mıllıard teńgesi, nemese 68,2 paıyzy - qazaqstandyq úles. Al 1 139,18 mıllıard teńgege qyzmetter kórsetilgen, onyń 589,94 mıllıard teńgesi - qazaqstandyq qamtýdyń úlesi.
