ÚIID MB-nyń ekinshi 5 jyldyǵy óńirlik erekshelikterge baılanysty naqty ushtastyryldy

ASTANA. QazAqparat - Údemeli ındýstrıaldy ınnovatsııalyq damý memlekettik baǵdarlamasynyń ekinshi 5 jyldyǵy óńirlik erekshelikterge baılanysty naqty ushtastyryldy. Árbir óńir úshin ózindik ekonomıkalyq derbestik aıqyndaldy. Bul jobalardyń qaıtalanýyna jol bermeıdi ári el aýmaǵynda óndiris oshaqtaryn tıimdi ornalastyrýǵa múmkindik beredi. Sonymen birge óńirler arasyndaǵy óndiristik kooperatsııany nyǵaıtady.

Baǵdarlamany júzege asyrýǵa qajetti ınvestıtsııanyń jalpy kólemi shamamen 6,6 trln. teńgeni quraıdy. Munyń 6 trln. teńgesi kvazımemlekettik jáne jeke sektor esebinen tartylady. Al bıýdjet tarapynan bólinetin qarjy shamamen 650 mlrd. teńgege jýyq. Osylaısha, memlekettiń árbir teńge ınvestıtsııasyna keminde 4 teńge jeke ınvestıtsııa tartýdy kózdeıtin «qarjylyq tetik» ádisi júzege asyrylatyn bolady.

Aıta keterligi, 2010-2013 jyldary aralyǵynda bul memlekettik baǵdarlamany qarjylaı qoldaý úshin shamamen 3,7 trln. teńge bólingen bolatyn. Budan bólek ınvestıtsııalyq jobalardy júzege asyrýǵa 2,4 trln. teńge jeke ınvestıtsııa qosymsha tartylǵan edi. Nátıjesinde atalǵan kezeńde JІÓ eki ese ósip, 2013 jyly 34,1 trln. teńgege jetti. Ótken jyldyń qorytyndysynda óńdeý ónerkásibindegi eńbek ónimdiligi 57,5 myń AQSh dollaryn qurap, 2008 jylmen salystyrǵanda 1,6 ese ósim kórsetti.