ÚIID MB mánin kórsetetin bıýdjettik baǵdarlamalardyń tizbesin anyqtaý jónindegi usynystardy pysyqtaý úshin vedomstvoaralyq komıssııa qurylady
Bul týraly búgin QR Parlamenti Palatalarynyń birlesken otyrysynda QR Qarjy mınıstri Bolat Jámishev málim etti.
Údemeli ındýstrııalyq-ınnovatsııalyq damý memlekettik baǵdarlamasyna bólinetin qarajattyń tıimdiligi máselesine toqtalǵan ol: «Eń aldymen qandaı shyǵyndar ındýstrııalandyrýǵa tikeleı qatysty ekendigi týraly máseleni ádisnamalyq jaǵynan anyqtaǵan jón ekendiginen bastaıyn. Údemeli ındýstrııalyq-ınnovatsııalyq damý memlekettik baǵdarlamasyna jatqyzylatyn shyǵystarǵa memlekettik baǵdarlamanyń óziniń maqsattary men mindetterin kórsetpeıtin qarajat engizilgenin atap ótken jón», dedi.
Osyǵan oraı ındýstrııalyq baǵdarlamany iske asyrýǵa baǵyttalǵan qarajatty naqty kórsetý, Údemeli ındýstrııalyq-ınnovatsııalyq damytý memlekettik baǵdarlamasynyń mánin kórsetetin bıýdjettik baǵdarlamalardyń tizbesin anyqtaý jónindegi usynystardy pysyqtaý úshin vedomstvoaralyq komıssııa qurylady. «Atalǵan jumys aǵymdaǵy jylǵy qyrkúıekke deıin aıaqtalatyn bolady», dedi B.Jámishev.
