ÚIID MB qajettiligin qanaǵattandyrý úshin kolledjderge arnalǵan 70-ten astam jańa oqý baǵdarlamasy ázirlenýde - QR BǴM
ASTANA. 29 qazan. QazAqparat - Údemeli ındýstrıaldy-ınnvatsııalyq damý memlekettik baǵdarlamasynyń qajettiligin qanaǵattandyrý úshin kolledjderge arnalǵan 70-ten astam jańa oqý baǵdarlamasy ázirlenýde. Bul týraly búgin 2014-2016 jyldarǵa arnalǵan QR-dyń bilim jáne ǵylym salasy damýynyń basym baǵyttary talqylanǵan Úkimet otyrysynda QR Bilim jáne ǵylym mınıstri Aslan Sárinjipov málim etti.
Onyń atap ótýinshe, aldaǵy 3 jylda QR ÚIIDMB qajettiligin qanaǵattandyrý maqsatynda 73 jańa oqý baǵdarlamasy daıyndalýda. Onyń 23-i halyqaralyq deńgeıdegi kolledjderge, al qalǵan 50-i aımaqaralyq ortalyqtarǵa jáne seriktestik kolledjderine arnalǵan.
Budan bólek A.Sárinjipov óz sózinde tehnıkalyq jáne kásiptik bilim berý júıesinde «Kásipqor» holdıngi tabysty damyp kele jatqandyǵyn basa aıtty. Onyń atap ótýinshe, 2016 jylǵa deıin 16 oqý ornynda 7 myńnan asa jáne jumys berýshilerdiń tapsyrysy boıynsha 9 myńnan astam adam oqytylatyn bolady.
