ÚIID birinshi besjyldyǵynda mal sharýashylyǵynda 8 myńǵa jýyq jumys orny quryldy

ASTANA. QazAqparat - ÚIID memlekettik baǵdarlamasynyń birinshi besjyldyǵynda mal sharýashylyǵynda 100-ge jýyq kásiporyn óndiristik qýattylyǵyn arttyrdy. Bul týraly «QazAqparat» agenttiginiń resmı saýalyna QR Aýyl sharýashylyǵy mınıstrliginen habarlandy.

«IIDMB birinshi besjyldyǵy kezinde mal sharýashylyǵy ónimderin óndirý jáne qaıta óńdeý salasynda 100-ge jýyq kásiporyndar óndiristik qýattylyqtaryn arttyryp, jańa qural-jabdyqtarmen qamtamasyz etilip iske qosyldy. Onyń ishinde: 23 qus fabrıkasy, 19 sút taýarly ferma, 18 mal bordaqylaý alańy, 7 reprodýktorly ortalyq, 14 et óńdeý kásiporyny, 10 sút óńdeý zaýyty, 5 balyq óńdeý kásiporyny»,-deıdi vedomstvo mamandary.

Atap aıtqanda, osy jobalar 8 000-ǵa jýyq adamdy jumyspen qamtamasyz etýge múmkindik berdi.