ÚIID aıasynda jer qoınaýyn paıdalaný boıynsha operatsııalar júrgizýde satyp alýlardyń aı saıynǵy ortasha kórsetkishi 120 mlrd teńgeni quraıdy

ASTANA. 5 shilde. QazAqparat - Údemeli ındýstrııalyq-ınnovatsııalyq damý baǵdarlamasyn iske asyrý jyldary «Jer qoınaýyn paıdalaný salasy boıynsha operatsııalar júrgizý barysynda qoldanylatyn taýarlardyń,

jumystar men qyzmetterdiń tizilimi» ІT-júıesinde satyp alýlardyń aı saıynǵy ortasha kórsetkishi 120 mlrd teńgeni quraıdy.

2013 jyly ulttyq kompanııalar men otandyq taýar óndirýshilerdiń arasyndaǵy uzaq merzimdik kelisimsharttardyń josparlanǵan kólemi 1 trln teńgeden astam somanyń 1500 shaqty taýaryn qurap otyr.

NADLoC ınternet-resýrsyna kúndelikti kirýshilerdiń sany sońǵy jyly 500-den 40 000 paıdalanýshyǵa deıin ósip otyr, bul aqparattyq júıelerdiń ónimdiligin ulǵaıtýdyń arqasynda múmkin bolýda.
Munaı-gaz jáne ken-rýda sektory kompanııalary jergilikti qamtýdy damytýdyń qajettiligi men basymdyqtaryn túsine bastady. Olardyń tarapynan satyp alý kórsetkishteri edáýir ósip otyr. Mysalǵa «Qazaqmys» kompanııasyn ataýǵa bolady. Kompanııa byltyr jergilikti kompanııalardan 252 mlrd teńge somanyń taýarlaryn, jumystary men qyzmetterin satyp aldy. Taratyp aıtar bolsaq: 134 mlrd teńge somaǵa - taýarlar, 118 mlrd teńgege - jumystar men qyzmetter satyp aldy. Jergilikti qamtýdyń úlesi 2009 jylǵy 36% kórsetkishten 2013 jylǵy 62% deıin ósip otyr.