Ýhannan taǵy bir qazaqstandyq stýdent evakýatsııalandy
«Keshe saǵat 22-30-da Almaty qalasynyń halyqaralyq áýejaıyna Ýkraına áýe jelileriniń bortynda 91 jolaýshysy bar ushaǵy Qytaıdyń Ýhan qalasynan kelip qondy. Olardyń arasynda Ýhan tehnologııalyq ýnıversıtetiniń 3 kýrsynda oqıtyn bizdiń stýdent qyzymyz da bar. Ol Almaty qalasyna evakýatsııalanyp, ushaq ary qaraı ushyp ketti. Almatyda ony qarsy alyp, barlyq profılaktıkalyq sharalar júrgizildi. Dene qyzýy bolǵan joq, densaýlyǵy qanaǵattanaralyq, eshqandaı shaǵymy joq. Aldyn alýdyń barlyq normalary saqtala otyryp, ol Almatynyń kópbeıindi klınıkalyq aýrýhanasyna jetkizildi. Sol jerde dárigerlerdiń qaraýynda 14 kún karantınde bolady», - dedi ol.
Dıas Ahmetsháriptiń aıtýynsha, stýdent qyzdan koronavırýs belgileri anyqtalǵan joq. Aýrýhanaǵa jetkizilgen soń barlyq qajetti saraptamalardy tapsyrady.
«Ekinshi stýdent qyz da osy reıspen ushyp kelýi tıis bolatyn. Biraq, ushaqqa otyrǵyzar sátte onyń dene qyzýy 37 gradýs ekendigi anyqtaldy jáne qytaı bıligi ony bortqa jibermedi. Sebebi bul Qytaı bıligi tarapynyń standartty sharasy sanalady. Ázirshe, ol Ýhan qalasynda. Biz onyń densaýlyǵyn qadaǵalap otyramyz», - dedi mınıstrlik ókili.