Ýhannan evakýatsııalanǵan qazaqstandyqtardyń jaǵdaıy qanaǵattanarlyq - mınıstrlik
Mınıstrlik taratqan málimetterge qaraǵanda, QHR men shekaralas memleketterden kelgen azamattarǵa monıtorıng jalǵasýda. Máselen, 2020 jylǵy 6 qańtardan 11 aqpanǵa deıin elimizge 30911 adam keldi.
6 qańtar - 11 aqpan aralyǵynda Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıtetiniń sanıtarlyq-karantındik pýnktteriniń mamandary halyqaralyq áýejaılarda jáne temirjol vokzaldarynda Qytaımen shekaralas memleketter arqyly ótkizý pýnktterinde – 30911 adamdy qarap-tekserdi.
Búgingi kúnge deıin jedel respıratorly vırýsty ınfektsııa (JRVI) belgilerimen 144 adam kópshilikten oqshaýlanyp, emdeýge jatqyzyldy, onyń 121 shyǵaryldy, statsıonarlarda medıtsınalyq baqylaýda 23 adam qaldy.
Qazaqstan Respýblıkasynyń 83 evakýatsııalanǵan azamattarynyń 13-inde jeńil dárejeli JRVI klınıkasy jalǵasýda, kataraldy qubylystary bar, dene qyzýy kóterilmegen.
QHR Ýhan qalasynan Reseı Federatsııasyna (Túmen oblysy – 3 adam) jáne Ózbekstan Respýblıkasyna (5 adam) evakýatsııalanǵan Qazaqstan Respýblıkasy azamattarynyń jaǵdaıy qanaǵattanarlyq, dene qyzýy joq, JRVI belgileri men shaǵymdary anyqtalǵan joq.
Sondaı-aq, keshe tańerteńgi saǵat 6:05-te Nur Sultan qalasyna Qytaıdyń 36 qalasynan 217 qazaqstandyq azamat keldi. Barlyǵy medıtsınalyq jáne zerthanalyq tekserýden ótý úshin keminde 3 kún merzimge aýrýhanaǵa jetkizildi. Olardyń densaýlyq jaǵdaıy qanaǵattanarlyq.
Emdeýge jatqyzylǵandardyń barlyǵynyń synamasyn qosymsha baqylaý úshin Almatydaǵy Aıqymbaev atyndaǵy asa qaýipti ınfektsııalar ulttyq ǵylymı ortalyǵyna jiberildi. Bul ortalyq jańa koronavırýsty PTR-dıagnostıkalaý ádistemesin ıgergen.
Respýblıkada qoldaýshy terapııa úshin qajetti dárilik zattar men medıtsınalyq maqsattaǵy buıymdar bar, ınfektsııalyq aýrýhanalarda oqshaýlaýǵa arnalǵan bokstar bar, oryndar, dárigerlik jáne orta medıtsına personaly daıyndalǵan.
«Bul jaǵdaı QR Densaýlyq saqtaý mınıstrliginiń turaqty baqylaýynda ekenin atap ótý qajet. Qazaqstan Respýblıkasy Densaýlyq saqtaý mınıstrligi jańa koronavırýs ınfektsııasynyń taralýyn boldyrmaý úshin kelesi aldyn-alý sharalaryn saqtaý qajet:
- qoldaryńyz ben betti sabynmen jıi jáne muqııat jýyńyz;
- qoldy zalalsyzdandyrýda spırtti antıseptıkterdi qoldaný kerek;
- adamdar kóp jınalatyn oryndardan aýlaq bolyńyz;
- naýqas adamdarmen baılanysta bolmaýǵa;
- sýyq tııý belgileri (joǵary temperatýra, murynnyń bitelýi, jótel, tamaqtyń aýrýy) paıda bolǵan jaǵdaıda, turǵylyqty jerińiz boıynsha dárigermen keńesý kerek. Resmı aqparatty Densaýlyq saqtaý mınıstrliginiń Facebook-tegi paraqshasynan oqı alasyzdar jáne týyndaǵan suraqtar boıynsha 1406 nómiri boıynsha táýlik boıy jumys isteıtin Call-ortalyǵyna qońyraý shalýǵa bolady»,-delingen habarlamada.