Ýhannan 2 elge evakýatsııalanǵan 8 qazaqstandyqtyń jaǵdaıy baqylaýda - DSM
Ulttyq asa qaýipti ınfektsııalar ortalyǵy Ulttyq bıotehnologııa ortalyǵymen birlesip, koronavırýsty jedel anyqtaýǵa múmkindik beretin dıagnostıkalyq júıe ázirledi. Buǵan qosa, Reseı Federatsııasy men Qytaı Halyq Respýblıkasynan dıagnostıkalyq test júıeleri alyndy. Koronavırýstyq ınfektsııa kúdigimen emdeýge jatqyzylǵan jáne Ýhan qalasynan evakýatsııalanǵan barlyq 313 adam arnaıy zertteýmen qamtyldy. Zertteý qorytyndylary boıynsha koronavırýs anyqtalǵan joq»,- dedi Eljan Birtanov.
Mınıstr Reseı federatsııasy men Ózbekstan Respýblıkasynyń densaýlyq saqtaý mınıstrlikterimen birlesip, Ýhan qalasynan evakýatsııalanǵan 8 Qazaqstan azamatynyń densaýlyǵy da baqylaýǵa alynǵanyn aıtty.
«Olardyń densaýlyqtary jaqsy, koronavırýs anyqtalǵan joq. Densaýlyq saqtaý mınıstrligi halyq arasynda aýqymdy aqparattyq túsindirý jumysyn jasaýda. Koronavırýstyq ınfektsııa boıynsha call-tsentrdyń táýlik boıy jumysy qamtamasyz etildi»,- dedi ol.
Halqymyzdy koronavırýstyq ınfektsııadan qorǵanýyn qamtamasyz etý maqsatynda medıtsınalyq baqylaýdy jalǵastyrý, qajet bolǵan jaǵdaıda 14 kúndik karantınge jatqyzýdy qamtamasyz etýdi suraımyn. Tıisti nusqaýlyqtar jergilikti densaýlyq saqtaý basqarmalaryna jiberildi.
Halyq arasynda koronovırýstyq ınfektsııanyń aldyn alý boıynsha aqparattyq túsindirý jumystaryn jalǵastyrý qajet.