Ýhandaǵy gospıtal basshysy koronavırýstan kóz jumdy

BEIJІŃ. QazAqparat – Qytaı memlekettik telearnasynyń habarlaýynsha, koronavırýs oshaǵyna aınalǵan Ýhan qalasyndaǵy gospıtal basshysy osy ınfektsııany juqtyryp, seısenbi kúni qaıtys boldy, dep habarlaıdy QazAqparat New York Times-qa silteme jasap.

Wuhan Wuchang Hospital dırektory Lıý Chjımın tańǵy 10:30-da kóz jumdy, dep jazdy New York Times.

Osy aıdyń basynda mıllıondaǵan qytaılyq turǵyn koronavırýs týraly erte eskertý jasaǵan dáriger Lı Venlıannyń qazasyna kóńil aıtqan bolatyn.

On myńdaǵan medıtsına qyzmetkeri Hýbeı provıntsııasynyń ortalyǵy Ýhandaǵy teńiz ónimderin satatyn bazarda paıda bolǵan koronavırýstyń taralyp ketpeýi úshin kúresti.

Qytaılyq ınternette Lı sekildi, dúısenbi kúni keshke Lıýdiń jaǵdaıyna qatysty da túsinispeýshilik týyndady.