Ýhanda koronavırýs juqtyrýdyń jańa jaǵdaıy tirkeldi

BEIJІŃ. QazAqparat – Birneshe kún boıy COVID-19 juqtyrýdyń jańa jaǵdaılary anyqtalmaǵan eldiń epıdemııa oshaǵy bolǵan Ýhan qalasynda ótken senbide koronavırýs juqtyrǵan bir oqıǵa tirkeldi, dep habarlaıdy QazAqparat tilshisi.

Hýbeı (Ortalyq Qytaı) provıntsııasynyń Densaýlyq saqtaý isteri jónindegi komıtetiniń habarlaýynsha, ótken táýlikte (2020 jyldyń 9 mamyr kúngi saǵat 24:00-degi jaǵdaı boıynsha) Qytaıda koronavırýs juqtyrǵan 14 jańa jaǵdaı tirkeldi. Ólim oqıǵasy tirkelmegen.

Koronavırýs juqtyrǵan 14 jańa jaǵdaıynyń 12-si jergilikti jerden (Tszılın prov.-11, Hýbeı prov.-1) shyqsa, ekeýi syrttan (Shanhaı q.) ákelingen.

Koronavırýstyń 20 sımptomsyz jaǵdaıy anyqtalǵan.

Sońǵy málimet boıynsha, Qytaıda koronavırýs juqtyrý jaǵdaılarynyń jalpy sany 82 901 adam. 4633 adam vırýstan kóz jumsa, 78 120 adam saýyǵyp aýrýhanadan shyǵaryldy.

El aýrýhanasynda 148 adam em qabyldaýda. 13 naýqastyń jaǵdaıy aýyr dep baǵalanǵan.